LAOAG CITY – Saanen a nakigtot ni Governor Imee Marcos iti “no vote” ti ina na a ni Congresswoman Imelda Marcos iti death penalty bill.
Daytoy ti nagbalin a reaksyon ti gobernador kalpasan a “No” ti nagbalin a sungbat ti ina na iti death penalty bill a naipasa iti kamara de representantes idi kalman.
Inlawlawag ni Governor Marcos nga uray idi naipatungpal ti death penalty idi panawen ti ama na a ni dati a presidente Ferdinand Marcos ket naiget a kontraen ni Mrs. Marcos.
Innayon ti gobernador a naasi unay ken compassionate ti ina na isut gapu na a saan a pabor a maisubli ti dusa a patay ditoy pagilyan.
Nagkedked met a mangipaay ti reaksyon ni governor Marcos seknan ti pannakaisubli ti dusa a patay.
Uray ni dati a senador Bongbong Marcos ken nangliklik nga agkomento seknan iti nasao nga isyu bayat iti ibibisita na na ditoy probinsya idi kalman.
