LAOAG CITY – Sinuspenso ni Governor Matthew Marcos-Manotoc ti klase iti amin a level iti pampubliko ken pribado a pagadalan iti intero a probinsya intono bigat, Agosto 28.
Daytoy ket paset iti panagsagana ti probinsya iti epekto ti Bagyo Jenny ditoy probinsya.
Inbalakad pay ti gobernador a masapol nga agridam dagiti umili tapno maliklikan dagiti saan a nasayaat a pasamak a mabalin nga intunda ti bagyo Jenny.
Iti agdama, naiget ti panagmonitor ti gobernador ken dagiti aminen nga opisyal ti gobierno iti daytoy iduduprak ti bagyo Jenny ditoy probinsya.
