LAOAG CITY – Binalakadan ni Governor Matthew Marcos-Manotoc dagiti atleta iti Region 1 Athletic Association Meet nga itultuloy da ti agay-ayam iti napili da nga sports ken gun-oden da ti kangatoan a lebel a kabaelan da basta dagitoy ken ag-enjoy dagitoy.
Inbatad ti gobernador a no saan da a kabaelan ti agbalin a pro wenno national athlete, mabalin da latta ti agtrabaho para iti lubong ti ay-ayam a pakasarakan ti ado a trabaho.
Mainaig iti daytoy,kuna pay ni Gobernador Manotoc nga aramiden amin dagiti atleta ti kabaelan da tapno agballigi dagitoy iti pakilaban da.
Nupay kasta,masapol nga agtalinaed ti respeto dagiti atleta iti tunggal maysa ken respetaren da ti ay-ayam.
Inpaganetget na a mangabak man wenno saan ket masapol nga awaten ken respetaren ti agbalin a resulta ti ay-ayam ken mapan makialamano kadagiti kinalaban kasta met ti referee wenno umpire.
Innayon na a masapol nga agtalinaed a napakumbaba iti panagballaigi ken agbalin a naparabor iti pannakaabak.
Mainaig iti daytoy, inpalagip ni Gobernador Marcos nga agpapada amin nga Ilocano dagiti atleta iti rehiyon uno isut gapuna a dagitoy ket maymaysa metlaeng a team.
