LAOAG CITY – Binalakadan ni Governor Matthew Marcos-Manotoc iti Ilocos Norte Electric Cooperative a mangkita ti wagas no kasanu a matulungan dagiti adda utangna iti kooperatiba.
Inbatad ti gobernador nga agaramid ti wagas ni Mr. Cipriano “Perry” Martinez, ti Acting General Manager ti Ilocos Norte Electric Cooperative nga adalen na ti pannakaipaay ti gundaway kadagiti adda ti utangna iti kooperatiba nga in-inut ti panagbayad da.
Immunan a nairakurak a no maysa agingga iti dua a bolan ti bill ti kuryente ket saan paylaeng a maputulan ti member-consumer, ngem no maawat na ti maikatlo a bill na ket masapol a mabayadan na aminen dagitoy.
Kuna na a no umannugot dagiti member-consumers iti katulagan nga ipaay kadakuada ti kooperatiba ket masapol nga adda ti pirmaan da a “promissory note”.
Mainaig iti daytoy, inpakaammo ni Marinez a maar-aramiden daytoy nga addang kadagiti National Government Agencies ken Local Government Units.
Inpanamnamana ti panangadalda a naimbag no kasano a maipatungpal daytoy kadagiti “residential”.
Nupay kasta, impalgakna a bassit laengen dagiti adda utangna kas ipamatmat ti 99.2 % a collection efficiency rate” ti Ilocos Norte Electric Cooperative iti agdama.
Mainaig iti daytoy, inpakaammo ti gobernador a nakasagana a tumulong ti gobierno probinsial babaen iti Provincial Social Welfare and Development para iti naan-annayas nga operasyon ti kooperatiba.
