LAOAG CITY – Nakipagpaset ni Governor Matthew Marcos Manotoc iti seremonya ti maika-14 a World Bank Implementation Support Mission (WB-ISM) iti Department of Agriculture – Philippine Rural Development Project (DA-PRDP) iti ili ti Bacarra.
Karaman a nakipagpaset dagiti delegasyon manipud iti Workd Bank ken binisita da ti “The Commercialization of the Ilocos Garlic: The White Gold Treasure of the North Enterprise” a masarakan iti Brgy. Buyon iti nasao nga ili.
Babaen iti daytoy ket maipakaammo ti maysa kadagiti kangrunaan a produkto ti probinsya kas iti native a bawang dagiti ilokano.
Naamuan a nalpas ti subproject ti enterprise idi tawen 2021 ken ti Bacarra Zanjera Irrigators Multi-Purpose Cooperative (BZIMPC) ti main Proponent Group iti DA-PRDP intervention, a nakasuportar ti panagdur-as ti garlic industry ditoy probinsya.
Maipalagip a maysa kadagiti arungaing dagiti mannalon ket iti presyo ti bawang ditoy probinsya no sadinno a bassit laeng dagiti nagmula iti napalabas a tawen.
