LAOAG CITY – Makipinnirma ni Governor Matthew Marcos-Manotoc iti nagduduma nga stake holders iti Memorandum of Agreement tapnu naan-anay a maisayangkat ti panagsukisok mainaig ti Bagas a proyekto ti Agri-training Institute Regional Training Center – Department of Agriculture.
Daytoy a proyekto ket pakipasetan ti gobierno probinsyal, lokal a gobierno iti ili ti Marcos ken ti Farmer Cooperative Association.
Segun iti Chairman ti Committee on Agriculture, nakailanad iti Local Government code a ti kada lokal a gobierno ket masapol nga usaren na ti kabaelan na a mangipaay ti suporta kadagiti nagduduma a proyekto.
Innayon na a ti pagilyan ket pagrebbengan na a suportaran ti agrikultura babaen kadagiti maiyannatop a teknolohiya para iti panagsukisok, pondo, panaglako ken dadduma pay a serbisyo tapnu matulungan dagiti mannalon.
