LAOAG CITY – Kiniddaw ni Dr. Arlene Ragasa, chief of hospital ti Governor Roque B. Ablan Sr. Memorial Hospital ditoy probinsia ti pannakaireprogam dagiti pondo a saan pay a nausar.
Segun kenni Ragasa, maysa kadagiti nakapanunutan na iti daytoy ket gapu ta dagiti nailatang a pondo para kadagiti agas ket ini-not a nausaren.
Kunana a 59 a milyon a pisos ti nausaren manipud iti 89 a milyon a pisos a pondo ita a tawen.
Inlawlawagana nga adda dagiti pondo a saan a pay nausar idi tawen 2021 aginnga 2024 isut gapuna a kalikagom da a maireprogram manipud iti 20% development fund.
Inbatadna a daytoy nga addang ket tapno mainayon ti nabatbati pay a pondo a paggatang kadagiti agas a para met laeng kadagiti pasiente iti nadakamat nga ospital.
Inanayon ti doktor a makita nga umad-ado dagiti patiente ti Governor Roque B. Ablan Sr Memorial Hospital.
