LAOAG CITY – Pinaneknekan ti grade 12 student manipud iti Ragay Camarines Sur a kabaelanna a makigiddan kadagiti Bikolano iti panagaramid ti portraits usar ti Rubik’s Cube Mosaic.
Segun ken ni Faye Julianne Casquejo, Rubik’s Cube Mosaic Artist manipud idiay Ragay, Camarines Sur nangrugi a mahilig daytoy iti mosaic arts idi Grade 6 pay laeng gapu ta inyam-ammo ti mangisursuro kenkuana iti elementaria iti nasao a mosaic.
Inbatadna nga idi panawen ti pandemia, ditoy a napaneknekanna a kabaelanna ti makigidddan kadagiti dadduma pay nga artist ken dadduma pay a pagilian iti nasao a tay-ak.
Manmano laeng ditoy Pilipinas nangnangruna idiay Bicol ti panagaramid ti portraits babaen ti puzzle cubes.
Kabayatanna, tampok met ti obra daytoy ti portrait ni Hesus nga isu ti umuna nga obrana usar ti 100 puzzle cubes ken dadduma pay a sikat a personalidad.
Mainaig iti daytoy, maysa kadagiti mapaspasaranna a rigat ket ti bannog ken pannakaattang gapu ta dimmanon daytoy ti agarup dua nga oras sakbay a nalpas ti portrait.
Nupay kasta, kalpasan a nakitana ti resulta ti nagrigatanna nga artwork, napalalo unay ti ragsakna pakairamanan ti pamiliana a naiget ti suportada iti talentona nangruna ti inana a maysa nga Overseas Filipino Worker.
