LAOAG CITY – Pinaayaban ni Mrs. Cecilia Antonio, principal ti Shamrock Elementary School dagiti mangisursuro pakairamanan ti General Parent–Teacher Association officers tapnu kasarita na dagitoy mainaig iti napasamak a disgrasya a nakasugatan ti ulo ti maysa a grade 3 pupil.
Naamoan a naitama iti landok ti ulo ti biktima kalpasan a nagdinnungpar da iti pada na metlaeng nga agad-adal iti nadakamat a pagadalan.
Segun kenni Antonio, kadwa ti ubing ti ama na idi napasamak ti insidente no sadinno nga ur-urayen da ti kasingin na a Grade 3 metlaeng a manarimaan paylaeng ti panagklase na iti dayta a gundaway.
Innayon na a nakita a mismo ti ama ti biktima iti pasamak isut gapuna a dagus na nga inarayat ken intaray iti ospital.
Kabayatanna, saan a nasungbatan ni Antonio no pudno a nasapa a nangdismiss ti klase ti adviser ti ubing a ni Miss Imelda Burb ken saannan nga inpalubos a mainterview pay ti maseknan a mangisursuro.
