LAOAG CITY – Kalikagom ti “guardian” wenno mangay-aywan ti maysa a Grade 4 Pupil iti Calayab Elementary School iti Barangay Calayab ditoy ciudad ti Laoag a malawlawagan ti kinapudno mainaig ti maipagarop a panangdangran kenkuana ti mestra a ni Mrs. Melie Bagaoisan.
Rumrumuar a pinungot ken kineddel ni Bagaoisan ti saanen a nainaganan nga adalan na.
Inbatad ti saanen a nagpabigbig a mangay-aywan ti ubing a ti laeng ammo na ket adda ti mangbulbully iti ay-aywanan na ken saanna nga ammo a dinangran ni Bagaoisan.
Iti panagturong ti news team ti Bombo Radyo Laoag iti nasao a lugar ket awan ti mangisursuro, pakairamanan ti principal ken Guidance Councilor ti nasao a pagadalan.
Nupay kasta, ikarigatan ti Bombo Radyo nga alaen ti reaksyon dagiti maseknan kangrunaan na ti maak-akusaran a mangisursuro.
