LAOAG CITY – Natay ti maysa nga ubing kalpasan a naidungpar ti nagluganan na a bisikleta ti maysa a dump truck idiay Bangui, Ilocos Norte.
Nabigbig ti biktima a ni Alberto Jaime Caparuso, agtawen ti 10 ken grade 5 pupil iti Bangui Central Elementary School idiay ili ti Bangui.
Iti imbestigasyon, rumrumuar a sinabat ti bikima ti dump truck nga inturong ni Ronald Irioga, agtawen ti 40, naasawaan, maysa a drug surrenderer ken residente ti Barangay Abaca iti met laeng nasao nga ili.
Naitaray iti Bangui District Hospital ti biktima ngem naideklara a dead on arrival.
