LAOAG CITY – Pimmusay ti maysa a grade 6 pupil kalpasan a naregreg iti nangato a paset ti umuna a kadsaaraan ti senior high school building iti Caraitan Integrated school iti ili ti Badoc.
Basar iti impormasyon manipod iti Philippine National Police-Badoc, Marso 25 idi napasamak ti insidente nu sadino a bayat ti selebrasyon ti foundation day iti nasao a pagadalan ket nagtugaw ti ubing iti nainstolar a grill iti pasdek ngem maipagarup a naikkat daytoy rason a naregreg ti biktima.
Gapu iti daytoy, dagus a naitaray ti biktima iti Corpuz Hospital ken naduktalan a nagsagaba ti spine injury/
Naiyakar daytoy iti Mariano Marcos Memorial Hospital and Medical Center iti siudad ti Batac ngem pimmusay idi lunes, Marso 27 gapu iti komplikasyon nga intunda iti pannakatennag na.
Kabayatanna, Naamoan a mangisursuro iti nasao a pagadalan ti ina ti ubing rason nga adda iti uneg ti institusyon iti dayta a gundaway.
