LAOAG CITY – Natay ti maysa a barito kalpasan a naligayan ti maysa a pampasahero a jeep idiay Barangay 1, Sarrat, Ilocos Norte.
Nabigbig ti biktima a ni Ismael Rasay, agtawen ti 16, Grade 10 ken residente ti Barangay 4 san Franciso iti nasao nga ili.
Segun kenni P/Chief Insp Roldan Suitos, hepe ti PNP Sarrat, naturog ti biktima iti sirok ti nakaparada a jeep kalpasan nga inungtan ti ina na gapu ti kinabartek na.
Idi rumwar ti pampasahero a jeep nga inturong ni Bienvenido Bassug, agtawen ti 48 itay parbangon ket saan na a nakita ti barito a matmaturog iti sirok ti lugan na.
Gapu iti daytoy, naligayan ti biktima a poon ti nakatayan na.
Segun ti inisyal nga imbestigasyon dagiti otoridad, nailemma ti ligay ti jeep iti barukong ken iti rupa ti biktima.
