LAOAG CITY – Top notcher ti medicine graduate iti college of medicine iti Mariano Marcos State University a ni Dr. Aira Cassandra Castro iti kalepleppas a Physician Licensure Examination.
Nakagun-od ni Castro ti rating nga 89%, ti kangatoan kadagiti amin a dimmalan iti nasao nga eksaminasyon.
Malaksid ken ni Castro ket nagun-od a mismo ti Mariano Marcos State University ti 100% passing rate babaen kadagiti uppat pay a medicine graduates a kakadua ti top notcher.
Nabigbig dagitoy nga isuda Dr. Christian Alvin Acra, Dr. Neil Justine dela Cruz, Dr. Marianne Shem Caraag ken Dr. Mida Dorothy Manayon.
Kabayatanna, ni Dr. Castro ket immunan a nagturpos iti BS-Biology kas maikatlo a summa cum laude iti nasao nga universidad ken class valedictorian ti batch na iti Doctor of Medicine.
Naamoan a daytoy metten ti maikapito a nagsasaruno a tawen a nagun-od ti Mariano Marcos State University ti 100% passing rate iti nasao nga eksaminasyon.
