LAOAG CITY – Naipaay ti Grain Collector ken Bagger Machine kadagiti mannalon iti Barangay 22 iti ili ti San Nicolas manipud iti lokal a gobierno.
Segun iti Local Chief Executive, daytoy ket kiddaw dagiti mannalon gapu iti napalabas a bagyo Julian ket nariknada no kasano ti karigat ti mapan agkolektar kadagiti nakabilag no adda ti sumangbay a tudo rason a mapukawanda.
Inbatadna a babaen ti nasao a ramit ket malappedan ti post harvest losses ken maikkatan pay ti labor cost tapno uray panawen ti panagtutudo ket dakkel latta ti mapastrek dagiti mannalon.
Mainaig iti daytoy, inpasigurado ti Mayor a maikkan dagiti sabali pay a barangay a pundoan ti lokal a gobierno babaen ti pundoda ti Republic Act No. 7171.
