LAOAG CITY – Nagyaman ni Lizel delos Santos iti Brgy. 37 Calayad ditoy siudad ti Laoag iti namarsua kalpasan a nangabak kas first prize winner ti grand draw ti Buena Mano Salvo year 13 promo ti Bombo Radyo Philippines ken Star FM.
Kuna na nga agarup 500 ti naibuson na nga entry para ti papromo ditoy Bombo Radyo.
Plano ni delos Santos nga usaren ti 15 a ribo a pisos a premyo na para kadagiti taraken na a baboy.
Naklaat ni delos Santos kalpasan a naiwaragawag ti nagan na iti Bombo Radyo a nangabak kas first prize ti grad draw ti Buena Mano Salvo.
Napalaos ti ragsak ni Wilma Arubio Brgy Pipias iti ili a Bacarra kalpasan a nabunot ti entry na kas second winner ti grand draw ti Bombo Radyo Laoag iti Buena Mano Salvo promo Year 13 ti Bombo Radyo ken Star FM.
Segun kenkuana, nagduduma nga proof of purchase ti inusar na ken adu nga entries dagiti inbuson na ditoy Bombo Radyo Laoag.
Kuna na nga umabot ti 3 ribo nga entries ti naaramid na ken insalip na iti nasao a promo.
Inbatad ni Arubio a nangabak iti first week ti promo.
Manamnama a maipama kenkuana ti 10 a ribo a pisos a second prize iti grand draw ti Buena Mano Salvo Year 13 Promo ti Bombo Radyo ken Star FM.
Naragsak ni Jessie John Acebu iti Brgy. Davila iti ili a Pasuquin kalpasan a nangabak kas third prize winner ti grand draw ti Buena Mano Salvo year 13 promo iti Bombo Radyo Laoag.
Inbatad na nga immabot ti nasurok sangaribo nga entries ti inbuson na ditoy Bombo Radyo.
Kuna na nga iti las-od iti agarup maysa a dekada manipud idi tawen 2008 a makisalsalip iti papromo ti Bombo Radyo ket maikadua a darasen a nangabak iti grand draw.
Innayon ni Acebu a saan na a ninamnama a nangabak iti grand draw idi kalam ken naamuan na laeng babaen ti panangtawag kenkuana ti Bombo Radyo.
Awan pay ti plano ni Acebu a pangusaran ti maawat na nga lima ribo a pisos.
