LAOAG CITY – Sabali manen dagiti napagasatan a nangabak iti grand draw ti Buena Mano Salvo year 13 promo ti Bombo Radyo Philippines ken Star FM ditoy probinsya.
Nangabak ni Lizel delos Santos a taga Brgy. 37 Calayab ditoy siudad ti Laoag ti first prize nga 15 a ribo a pisos kalpasan a nabunot ti entry na iti Week 5 ken nagusar ti tansan ti San Miguel Pale Pilsen a proof of purchase na.
Second prize wenno 10 a ribo a pisos ti iyawid ni Wilma Arubio a taga Brgy. Pipias iti ili a Bacarra kalpasan a nabunot ti entry na iti Week 3 ken nagusar ti resibo ti Petron kas proof of purchase.
Nangabak met ni Jessie John Acebu a taga Brgy Davila iti ili a Pasuquin ti third prize nga 5 ribo pisos kalpasan a nabunot ti entry na iti Week 3 ken nagusar ti tansan ti San Miguel Pale Pilsen.
Ti Bombo Radyo Philippines ken Star FM ket agyamyaman kadagiti nakipaset iti Buena Mano Salvo year 13 promo ken kasta metten dagiti kompanya a nagbalin nga sponsor iti daytoy a papromo.
