LAOAG CITY – Dayawen ni Grand Slam champion Rafael Nadal ti kinalaing ni Pinay tennis sensation Alex Eala.
Nupay saan a makitkita nga agbuybuya a personal kadagiti ay-ayam ni Eala, nakasubaybay ni Nadal kadagiti laban ti Pinay netter.
Naamoan nga iskolar ni Eala ti Rafa Nadal Academy iti Mallorca, Spain.
Ti metlaeng Rafa Nadal Academy ti mangipapaay kadagiti coaches ken trainers ni Eala kadagiti laban na iti WTA Tour isut gapuna nga alisto laeng a maipaima ken ni Nadal dagiti reports iti kada ay-ayam ti Pinay player.
Iti nasurok a maysa a tawen ti WTA Tour, pagbilbiliban ni Nadal ti abilidad ken kabaelan ni Eala kas tennis player no sadinno a kabaelan na ti makibalubal kadagiti world-class tennis players a nakita aminen kadagiti napalabas a laban na.
Sumagmamano laeng kadagiti popular a panangabak ni Eala ket ti laban na kontra ken ni 2025 Wimbledon champion Iga Swiatek ti Poland kasta met ken ni world No. 1 Elena Rybakina ti Kazakhstan.
Mamati ni Nadal nga adayo pay ti madanun ni Eala gapu ta namnamaen nga ad-adda pay a ngumato ti lebel ti ay-ayam na kadagiti sumarsaruno a tawen.
