LAOAG CITY – Inlawlawag ni Mayor Alfredo “Boying” Valdez a maipatungpal ti granular lockdown wenno naig-iget a community quarantine kadagiti barangay nga ado ti kaso ti covid-19.
Rakurak daytoy ni Valdez kalpasan a naimaldit ti 44 a baro a kaso ti covid-19 iti nasao nga ili.
Malaksid daytoy, kuna ni Mayor Valdez a maipatungpal pay ti curfew hour kadagiti tapno malapdan ti ad-adda a panagwaras ti virus.
Segun pay kenni Valdez, maiyalud-od pay ti pannakai-lockdown ti merkado publiko iti ili ti San Nicolas gapo ta kaadoan kadagiti nagpositibo ket agpapaay iti merkado.
Manaig iti daytoy, kunana a napintas gapo ta adda ti naiyuswat a surveillance swab testing ken naamoan no siasinno dagiti nakaptan ti virus.
Naamoan nga amin a dimmalan iti surveillance swab testing iti kallabes ket rimwar aminen ti resulta na.
Kabayatanna, pinalagipan ti mayor dagiti kailyan na nga agannad ken sumurot kadagiti amin nga health protocols.
