LAOAG CITY – Inpasigurado ni Dr. Medeldorf Gaoat, chairman ti Committee on Health ditoy probinsia a mabisita ti wagas ti pannakagatang dagiti agas iti Governor Roque Ablan Senior Memorial Hospital ditoy ciudad ti Laoag.
Kuna na a saan koman nga urayen a dandani maibus dagiti supply nga agas sakbay a gumatang ti nasao nga ospital.
Segun kenkuana, daytoy ti mannarimaan nga ikokoordinar na iti ospital no agpapan ita a 2026 ket kastoy paylaeng ti procurement process da.
Kalikagom na a saan koma a mapasamak ti napasamak iti kallabes nga adda ti panagkurang ti agas gapu ta naladaw da a nakagatang.
Kunana a ti nakitana a mapaspasamak iti kallabes ket gumatang laengen ti supply ti agas ti nasao nga ospital no dandani dan maibusan.
