LAOAG CITY – Nagkiddaw ti Governor Roque B. Ablan Sr. Memorial Hospital iti pannaka-realign iti savings daytoy nga agarup 24 a milyon a pisos.
Daytoy ket kabayatan iti naiyuswat a Provincial Development Council Meeting iti Session Hall iti gobierno probinsial.
Segun ken ni Engr. Pedro Pete Agcaoili Jr., Provincial Planning Development Officer, ti kangrunaan a rason iti panangkiddawda daytoy ket tapno maigatang iti nayon nga agas nangruna ket makitada nga adu dagiti umili nga agturturong iti nasao nga ospital.
Mainaig iti daytoy, manamnama nga aprobaran ti Sangguniang Panlalawigan babaen iti Committee on Health a ni Bokal Medeldorf Gaoat.
Kabayatanna, naammoan a babaen iti pannaka-realign ti savings ti Governor Roque B. Ablan Sr. Memorial Hospital ket maaddaanton ti umdas nga agas iti nadamakat nga ospital.
