LAOAG CITY – Napasamak ti grassfire iti bakante a lote iti Barangay Bengcag ditoy siudad ti Laoag.
Rumrummuar a gapu kadagiti nagango a bulbulong ti nangitunda ti uram agingga a nagramram daytoy.
Insigida a nagresponde ti tallo a fire truck tapno masebseban ti apoy ken saanen a dumanon pay kadagiti kabalbalayan.
Awan met ti naipadamag a nadangran wenno nakaro a nadadael gapu iti insidente.
Naammoan a nagturong ni Vice Mayor Rey Carlos Fariñas iti lugar tapno siguradoen a natalged dagiti residente iti nadakamat a lugar.
