LAOAG CITY – Dagus a nasebseban dagiti kameng ti Bureau of Protection ditoy siudad ti Laoag ti grassfire iti Brgy. 37 Calayab ditoy siudad.
Daytoy ti kinumpirmaran ni FO1 Jayvyn Mart Salvador iti Bureau of Fire Protection ditoy siudad ti Laoag.
Kuna na nga immabot iti agarup pito a minutos a sinebseban da ti nauran a ruruot iti nasao a barangay.
Patyen na a naibelleng a rungrong ti sigarilyo ti makagapu ti uram ken maysa a poon ti madre de cacao ti nauram kabayatan ti insidente.
Nagpalagip ni Salvador kadagiti managsigarilyo a siguraduen nga awan ti sigged ti maibelbelleng a rungrong ti sigarilyo tapno saan a mangparway ti uram.
