LAOAG CITY – Naiteden ti gratuity pay dagiti job order ken contract of service iti Laoag City Hall.
Daytoy ti inpakaammo ni Mrs. Louline Acain, officer in charge ti accounting office ditoy siudad.
Segun ken ni Acain, tunggal job orber ken contract of service ket nakaawat ti gratuity pay a lima a ribo a pisos.
Inbatad na a nasurot ti Administrative Order No. 2 nga inyetnag ni Presidente Ferdinand Marcos Jr. maipanggep iti pannakaited ti gratuity pay dagiti maseknan nga empleado ti gobierno.
Kabayatanna, immunan nga inpakaammo ni Acain a naited metten ti Service Recognition Incentive (SRI) ken Performance-Based Bonus (PBB) dagiti empleado sakbay a nagngudo ti tawen 2022.
