LAOAG CITY – Inadmitir ni Dr. Arlene Ragasa, Officer In Charge ti Gov. Roque B. Ablan Sr. Memorial Hospital nga agkurkurang iti suplay ti agas iti nasao nga ospital.
Segun kenkuana, nangrugi daytoy idi immadu met ti ipapaay a serbisio ti ospital kadagiti adu a pasiente.
Inbatadna a saan laeng a dagiti agas ti agkurang no di ket pakairamanan pay dagiti laboratory facilities kas ti pannakalukat dagiti private rooms, outpatient services ken ti medical assistance para kadagiti indigent patients.
Kunana a ti nangpanayon iti kaadu dagiti pasiente iti ospital ket dagiti dumaldalan iti Dialysis Center.
Inlawlawagna a ti kangrunaan a maib-ibos nga agas ket ti antibiotics nangruna ket isu ti kasapulan dagiti kaadduan a pasiente.
Innayonna a nagkiddawda pay ti supplemental budget para iti maudi a kuarter iti napalabas a tawen gapu iti panagkurang iti suplay ti agas.
Kabayatanna, naammoan a dandanin a sumangpet dagiti agas nga in-order-da tapno adda ti mausar dagiti maseknan a pasiente.
