LAOAG CITY – Agserbi koma nga inspirasyon kadagiti atleta iti probinsya ti Region 1 Athletic Association (R1AA) dagiti Great Ilocano Athletes.
Daytoy ti inbatad ni Vice Governor Angelo Marcos Barba bayat ti panagbitla na ti panaglukat ti programa idiay Alaminos, Pangasinan.
Maipalagip a dagiti maibilang a great ilocano athletes ditoy probinsya ket da ASEAN Chess Champion Mhage Sebastian, SEA Games Decathlon Silver Medalist Jesson Cid, ‘Ilocano Shark a ni Teofilo Yldefonso, ken ni PBA Player Ed Daquioag.
Mamati ti bise gobernador a dagiti atleta ti probinsya ket saan laeng nga iti rehiyon uno ti kabaelan da a pakibalubalan no di ket kabaelan da pay ti national ken international sports competition.
