LAOAG CITY – Nagkaykaysa ti Greenland ken Denmark iti baet ti kontrobersial a singasing ni United States President Donald Trump a gatangen ti Greenland, maysa nga addang a nangitunda ti naiget a panangkontra manipud kadagiti lider ti isla.
Iti nakaladladingit a pakasaritaan ti kolonisasion a nagpaut ti sumurok tallo a siglo, nagkaykaysa dagiti partido iti Greenland a kontraen ti singasing ti Estados Unidos.
Naglikudan dagiti lider ti Greenland pakairamanan ni Prime Minister Jens-Frederik Nielsen, ti gubat ti panangilako iti isla ken inpettengda a ti laeng Greenland ken Denmark ti addaan ti karebbengan nga agdesision mainaig iti masakbayan daytoy.
Pinatibker ti Greenland ken Denmark ti panagkaykaysada iti babaen ti suporta manipud kadagiti pagilian iti Europa pakairamanan dagiti naudi a panagsinnarita dagiti opisial ti Estados Unidos ken dagiti lider ti North Atlantic Treaty Organization.
