LAOAG CITY – Nakasagana ti gobierno ti Greenland a makisarita iti Estados Unidos.
Inbatad ni Greenland’s Prime Minister Jens-Frederik Nielsen nga adu a banag ti nakasagana a pagsaritaanda ni United States President Donald Trump ngem sabali a saritaan met no maipanggep iti soberania.
Inlawlawagna a saan a nainkalintegan kadagiti umili ti Greenland ti panangpilit ni Trump a tagikuaen ti pagilianda.
Maipalagip nga inrakurak ni Trump a saanda a mangiwayat ti aniaman a puersa iti panangtagikua iti Greenland ken addan ti maipagarup a katulagan nga insagana ti Estados Unidos ken Greenland.
