LAOAG CITY – Negatibo ti resulta ti naiwayat a greyhound operation ti Philippine Drug Enforcement Agency region 1 ken Bureau of Jail Management and Penology region 1 iti BJMP ditoy siudad ti Laoag.
Daytoy ti kinumpirmaran ni Jail Senior Insp. Rodel Cadpino iti BJMP Laoag.
Kuna na a gagem ti surpresa nga inspeksiyon ket tapno maamuan no adda iti kontrabando nga ik-ikoten dagiti balud.
Malaksid iti daytoy, inbatad ni Cadpino a naiwayat met ti random drug test kadagiti balud ken dagiti pannagabagi ti BJMP Laoag ngem negatibo met ti resulta na.
Umab-abot ti 24 dagiti balud ken innem a kameng ti BJMP ti dimmalan iti random drug test.
Mainaig iti daytoy, simmaruno a naiwayat met ti operasyon iti BJMP iti siudad ti Batac ngem negatibo met ti resulta na.
Inpakaammo ni Jail Sr. Insp. Cremensio Alunos Jr iti BJMP Batac a 15 a balud ken lima a pannakabagi ti BJMP Batac ti dimmalan random drug test ngem negatibo met ti resulta na.
Tinawen a maiwaywayat ti nasao operation kadagiti pagbaludan ditoy pagilian.
