LAOAG CITY – Namulta ti $75,000 ni Memphis Grizzlies player Ja Morant babaen ti NBA.
Daytoy ket kalpasan ti finger-gun gestures-na iti ay-ayamda kontra iti Golden State Warriors.
Immunan a binalakadan ti NBA ni Morant a saanna daytoy nga aramiden gapu ta posible nga agbalin a negatibo ti panangawat dagiti sumagmamano a tattao.
Binallaagan pay isuna ni NBA commissioner Adam Silver ngem kalpasan ti sumagmamano nga oras ket naminsanna manen nga inaramid ti nasao a banag.
Maipalagip a kadagiti naglabas a tawen ket sinuspenso ti Grizzlies guard kalpasan a natiliwan daytoy nga adda ti paltogna.
