LAOAG CITY – Naiyuswat ti groundbreaking ceremony para kadagiti maipasdek a proyekto iti uneg a mismo iti Ilocos Norte Police Provincial Office (INPPO).
Ti groundbreaking ceremony ket indaulwan ni Ilocos Norte 1st District Representative Sandro Marcos.
Iti panagbitla ni Marcos, nagyaman iti Philippine National Police (PNP) iti panangipapaay da ti seguridad iti intero a probinsya.
Inbatad pay ni Marcos a gapu iti kinalawa ken kaado ti trabaho dagiti kameng ti pulisya ken Armed Forces of the Philippines ket maibilang dagitoy a banuar ken rumbeng laeng nga ipaay amin ti gobierno ti kasapulan da.
Inpasingked ni Marcos ti naiget a suporta na iti amin a programa iti Philippine National Police ken Armed Forces of the Philippines iti intero a pagilyan.
