LAOAG CITY – Balligi a naisayangkat ti groundbreaking para iti Alumni Park iti Mariano Marcos State University iti ciudad ti Batac.
Segun ken ni Hon. Bismark Quidang, dati nga alumni regent, open learning space daytoy a mabalin a pagpwestoan dagiti estudyante tapno agaramid kadagiti aktibidad da.
Kunana nga iti laksid nga adda ti naipan a pagtutugawanen ket kalikagomda nga ad-adda pay a mapapintas daytoy iti babaen ti panangi-install da ti wifi.
Innayonna a no palubosan ti nasao nga unibersidad a nakalukat latta daytoy iti rabii ket mabalin a pasilawan da daytoy.
Naammuan a nga agbalor ti nasao a proyekto iti 1.2 milyon pesos no sadinno a daytoy ti maysa kadagiti proyekto ti grupo da manipud iti 70 a porsiento ti 50 a ribu a dolyar a naiyawidda apaman ti Alumni King and Queen a naangay idiay Hawaii idi napalabas a bulan.
Malaksid iti daytoy, naammuan pay a ti proyekto ket maysa kadagiti vision pay laeng idi ni Dr. Shirley Agrupis.
Kabayatanna, mangnamnama ni Quidang a malaksid iti ciudad ti Batac ket makaipasdek da pay ditoy ciudad ti Laoag.
