LAOAG CITY – Kinondenar dagiti foreign ministers ti Group of Seven (G7) dagiti napeggad nga aramid ti China iti West Philippine Sea (WPS).
Iti nagtitipon nga statement, binabalaw dagiti oreign ministers ti panagusar ti China iti water cannon, napeggad a maniobra, ken ti pannakaipakat ti coast guard ken maritime militia iti lugar tapno butbutngen dagiti dadduma a pagilian.
Segun iti G7, madanagan da iti kasasaad iti West Philippine Sea gapu iti non-stop agression ti China nangruna kadagiti barko ti Pilipinas ken Vietnam.
Inpetteng ti G7 nga awan ti legal a nakaibasaran ti ‘expansive maritime claims’ ti China iti West Philippine Sea a mangituntunda ti pammutbuteng, militarisasyon, panangtagikkwa ti China iti nasao a kabaybayan.
Ti statement ket pinirmaan dagiti pannakabagi ti Canada, France, Germany, Italy, Japan, UK, US, ken European Union.
