LAOAG CITY – Saan pay a nakaawat ti nalawag a sungbat ti grupo a Manibela mainaig iti prangkisada kalpasan a nakipagdayalogo iti Land Transportation Office (LTO) ken iti Land Transportation Franchising and Regulatory Board (LTFRB) ita nga aldaw.
Inbatad ni Manibela President Mar Valbuena, pagsubsublien pay ti Land Transportation Franchising and Regulatory Board isuda inton bigat tapno ituloy ti dayalogo.
Gapu iti daytoy, kabayatan nga itultuloy ti dayalogo ket mangiwayatda latta ti tigil-pasada.
Inpetteng ni Valbuena a mangiwayatda pay kadagiti tignay protesta agingga a saanda pay a naikkan ti provisional authority tapno makapagpasada.
Kabayatanna, kuna ni Valbuena a naruay ti saan a nakalugan a pasahero kalpasan a saan a nagbiahe dagiti miembroda a jeepney driver.
