LAOAG CITY – Naiyendorsar iti PNP-Laoag ti maysa a grupo dagiti lallaki kalpasan a maipagarop a saan da a nakabayad ti bill da iti Discolandia iti Barangay 1 ditoy ciudad ti Laoag.
Naamoan a ti nasao a grupo ket agpapada a taga Barangay 8 iti ili a San Nicolas.
Segun ti report, umabot iti siyam a ribo a pisos ti bill dagiti maseknan.
Nupay kasta, saan nga admitiren ti grupo ti bill da gapu ta dagiti ipakpakita ti manager ti naginuman da a resibo ket adda ti awan ti pirma na idinto a dagiti dadduma ket maipagarop a saan da a pirma.
Iti panagsasarita dagiti maseknan ket immanugot met laeng ti grupo a bayadan da ti bill da malaksid laeng ti nasurok a 1,600 a pisos nga awan ti pirma da.
Inlawlawag ti manager ti naggiinuman ti grupo nga awan ti pirma ti maysa a resibo gapu ta nagsisina idin dagiti maseknan.
Innayon na a dagiti saan a bayadan ti grupo ket i-charge da lattan kadagiti waiter.
