LAOAG CITY – Pinili ti dadduma a grupo dagiti mangngalap iti Zambales a saanen nga agkalap iti Bajo de Masinloc.
Daytoy ket gapu iti buteng dagiti mangngalap, gapu iti pangta ti China a makatiliw kadakuada, kalpasan ti pannakaipatungpal ti ‘no trespassing rule’ iti West Philippine Sea.
Segun iti maysa kadagiti lider dagiti mangngalap iti Zambales a ni Philip Macapanas, adda dagiti barko ti China nga agbantay iti uneg ti Bajo de Masinloc a kunada a saandan nga agkalap ditoy.
Gapu iti daytoy, kinunana a bimmassit ti pammastreka gapu iti nababa a kaadu dagiti lames a makalap iti ruar ti Bajo de Masinloc.
Kinunana, adda dagiti kakaduada nga immuna a nakapadas iti water bombing manipud kadagiti barko ti China.
kanayatanna, kiniddawna ti kaadda dagiti barko ti Pilipinas a tumulong wenno mangsuporta kadakuada iti panagkalap iti nasao a lugar, a kangrunaan a pagkalap dagiti lokal a mangngalap iti Zambales.
