LAOAG CITY – Kiniddaw dagiti sumagmamano a mangngalap iti gobierno a mangipatungpal ti price control gapu iti kellaat a panagngato ti presio ti ikan iti merkado.
Inbatad ti Pambansang Lakas ng Kilusang Mamamalakaya ng Pilipinas (Pamalakaya), ti rason iti kellaat a panagngato ti presio ti ikan ket ti traders ken middlemen a mangkonkontrol iti presio manipud iti farmgate agingga retail.
Inrakurak ni Ronnel Arambulo, Vice Chairperson ti Pamalakaya, a basar iti grupo a mabalin a mangipatungpal ti gobierno ti price control iti babaen ti Republic Act 7581 nga addaan ti probision ti Automatic Price Control.
Iti agdama, awan pay ti komento ti Department of Agriculrure maipanggep iti daytoy a banag.
