LAOAG CITY – Narigatan ti grupo dagiti ilokano a naggapu ditoy Ilocos Norte a nagturong idiay Metro Manila tapno agawat ti naikari a sagmamaysa a milyon a pisos iti kada maysa nga ipaay ti Democratic and Republican Guardians Philippines Incorporated.
Daytoy ti kinumpirmaran ni Barangay Chairman George Ragonjan iti Brgy. Caruan iti ili a Pasuquin.
Kuna na nga imbes nga agawat da laeng kuam ti kuarta ket naaramt dagiti taga Ilocos Norte iti naiwayat a rally idi kalman.
Inbatad ni Ragonjan a pinaggarwat da dagiti lallaki ti puraw a longsleeve idinto a dagiti babbai ket nagarwat ti dress.
Naturog dagitoy idiay Rizal Park ngem naikanniwas iti naikari nga adda ti napintas nga akumudasyon, gapu iti daytoy ket nagturong ti sumagmamano kadakuada kadagiti kakabagyan da idiay Manila tapno makidigos da ken makapangan gapu ti bisin.
Kinumpirmaran ti kapitan a kalpasan ti rally ket agtalinaed da pay ti uppat nga aldaw para ti maysa a seminar ken kalpasan daytoy ket maipaayen ti maipagarup a sagmamaysa a milyon a pisos kadakuada.
