LAOAG CITY – Saan a mailadawan ti kinaragsak iti grupo ni Atty. Corazon Ruiz-Abad manipud iti “Mother Butler Mission Guilds” wenno MBMG iti ibibisita da iti opisina ni Gobernador Matthew Marcos Manotoc.
Gagem ti panagbisita ti grupo ket tapno iyam-ammo da iti gobernador ti bwinangay da a “Mother Butler Mission Guilds.
Ti “Mother Butler Mission Guilds ket maysa a non-profit organization dagiti babbai a boluntaryo a mangsupsupurta iti Simbaan Katoliko.
Naamoan a ti nasao a grupo ti tumultulong iti pannakapapintas ken pannakapasayaat dagiti simbaan kadagiti kumunidad.
Nadutukan pay ti Mother Butler Mission Guilds nga umawat kadagiti donasion para ti nasagraduan a banbanag ken supply iti simbaan.
Nabara nga inawat ti gobernador ti grupo ni Atty. Corazon Ruiz-Abad no sadinno a kadua da pay ni Mrs. Mary Ang iti Philippine National Red Cross.
Inpanamnama ni Gobenador Marcos Manotoc iti naan-anay a suporta ti gobierno probinsial iti Mother Butler Mission Guilds nga addaan ti nadalus a tarigagay nga agserbi ken tumultulong iti simbaan ken ti kagimongan.
