LAOAG CITY – Inpetteng ni Barangay Chairwoman Suzane Bueno iti Barangay 3 ditoy ciudad ti Laoag a kinamat-kamat dagiti Muslim ti partido da bayat ti panagkampanya da.
Segun kenni Bueno, bayat ti panagkampanya ti partdo da ket nakita da ni Mr. Elisalde Corpuz nga agpaidasig a kagawad ken kapartido ni Mr. Edison Baldugo nga adda ti kadwua na a grupo dagiti Muslim.
Inlawlawag na nga adda ti nangeg ti grupo na nga agririri isut gapo na nga immasideg daytoy kadakuada, kas maysa nga opisyal ti barangay.
Kunana a binalakadan na daytoy a mapan da iti pulisya tapno malawlawagan ti saan a panagkinnaawatan dagitoy.
Nupay kasta, kalpasan daytoy ket intuloy da ti agkampanya ngem maipagarop nga adda ti nangkamat kadakuada a pick-up a dagiti nakalugan ket mapapati a Muslim kadakuada ni Baldugo.
Inpetteng na a nakita na a mismo ni Baldugo a bimmaba iti nasao a behikulo.
Malaksid iti daytoy, maipagarop a binakal-bakal pay ti grupo dagiti Muslim ti lugan da Bueno.
Kabayatanna, plano ni Bueno nga agpila ti reklamo kontra kadagiti nangkamat kadakuada.
