LAOAG CITY – Inawat ni Golden State Warriors guard Gary Payton II ti $9.1 million player option-na para iti 2024-2025 season.
Kayatna saoen, agtalinaed pay laeng iti koponan ti GSW ti nabirngasan kas ‘young glove’ para iti sumaruno a season pakairamanen ti posibilidad nga extension iti Warriors.
Agbalin koma a free agent ni Payton ita nga offseason ngem ad-adda a pinilina nga agbalin a paset ti Warriors.
Ni Payton ket nagbalin a paset ti 2022 championship ti GSW. Kalpasan ti championship, innala isuna ti Portland Trailblazers ngem saan a nagbayag ket nagsubli met laeng isuna iti Warriors.
Iti napalabas a season, nakaay-ayam laeng ni Payton iti uneg ti 44 games gapu kadagiti nagduduma nga injuries.
Nupay dakkel ti nagbalin nga ambag daytoy iti 2022 championship ti Warriors, napalalo a naapektaran ti performance-na gapu kadagiti sinagabana nga injuries no sadino iti 44 games iti inay-ayamna ket nag-average laeng isuna ti 5.5ppg usar ti 56.3% shooting.
Iti napalabas a season, napaay ti GSW a sumrek iti playoff kalpasan a naikkat iti umuna a round ti Play-In Tournament kontra iti Sacramento Kings.
