LAOAG CITY – Natiliw ti maysa a gun runner a drug personality iti Brgy. 2 iti ili a Pasuquin, Ilocos Norte iti naiwayat nga search operation dagiti otoridad.
Nabigbig ti suspek a ni Frankie Kevin Sy a residente iti nasao a lugar.
Segun ti PNP, narekobre ti maysa a kalibre 22 a revolver, dagiti bala ti M16 rifle ken sumagmamano a maipagarup a shabu iti balay ti suspek.
Segun kenni Police Sr. Insp. Joseph dela Cruz, hepe ti PNP Pasuquin, nakaawat da ti impormasyon nga adda ti pagal-alaan dagiti klase ti paltog ngem saan da a nakita idi inwayat da ti operasyon.
