LAOAG CITY – Temporario nga adda iti kustodiar ti National Bureau of Investigation (NBI) dagiti dua a kadua ti napadisi a Bamban, Tarlac Mayor Alice Guo nga isuda Sheila, ti kabsatna ken ni Lucky South 99 incorporator Cassandra Li Ong.
Apaman a nakasangpet dagiti iti pagilian sipod idi naarestarda idiay Indonesia ket naikabil pay laeng nga umuna dagitoy iti Bureau of Immigration para iti sumagmamano a procedure.
Kalpasan iti daytoy, naikabilen dagiti dua iti National Bureau of Investigation Office iti siudad ti Quezon idi rabii ti Huebes.
Naammoan a ni Sheila Guo ket manamnama a maiturong iti Senado idinto a ni Ong ket iti House of Representatives maibasar kadagiti warrants-da.
Maipalagip a naarestar dagiti otoridad dagiti maseknan iti maysa a mall idiay Indonesia idi Agosto 20.
