LAOAG CITY – Imbabawi ti dati a suldado ken dati a security aide ni dati nga Ako Bicol Party list Rep. Zaldy Co ti immuna a testimoniana mainaig iti panangipatulodda ti minaleta a kuarta ken ni dati a House Speaker Martin Romualdez.
Iti baro nga affidavit-na, inbatadna a napilitan laeng daytoy a nangibaga a nangipatulod daytoy ti minaeta a kurata kasukat ti maipagarup kuarta ken scholarship para iti anakna nga ibayadda kenkuana.
Segun ken ni Guteza, pinaayaban da Senator Rodante Marcoleta ken dati nga AnaKalusugan Party list Rep. Mike Defensor isuna iti maysa a Japanese restaurant nga asideg iti Senado no sadinno ket inyawatda kenkuana ti nakasaganan nga affidavit.
Inabatadna a ti draft a basaenna nga affidavit ket maipagarup inaramid ti manugang ni Defensor a nainaganan laeng kas “Mark.”
Innayon pay ni Guteza ti pannakakitana no kasano a bianasa ken inurnos ni Marcoleta ti nasao a draft ti affidavit.
Maipalagip a nagbalin a surprise witness ni Guteza idi Setiembre 25, 2025 iti Senate Blue Ribbon Committee hearing nga indauloan ni Marcoleta.
Kabayatanna, agtultuloy ti panangururay ti Office of the Ombudsman ti kopya ti baro nga affidavit ni Guteza sakbayda nga agkomento.
Malaksid ken ni Guteza, uppat pay a dati a security aides ni Zaldy Co ti immunan a nangibabawi kadagiti rakurakda kontra ken ni Romualdez ken kadagiti dadduma pay a personalidad.
