LAOAG CITY – Mangnamnama ti gymnastic coach ni Carlos Yulo a ni Allen Castañeda nga ad-adu ti maited a suporta ti pagilian iti nadakamat nga isports.
Kinunana iti naipakita a balligi ni Yulo iti tay-ak ti gymnastics, ad-adda pay a dumur-as dagiti atleta ti pagilian.
Dakkel ti epekto ti panangabak ni Yulo iti dua a balitok a medalya iti Olympics no sadinno a kunana nga agbalin itan a prioridad dagiti nagduduma pay nga isports.
Mabigbig a kadagiti kallabes a tawen, saan a nadlaw wenno naikkan iti adu nga atension ti gymnastics gapu ta saan daytoy a nalatak iti pagilian a kas iti dadduma nga isports.
