LAOAG CITY – Nakarkaro ken ad-adda nga agtultuloy a panagtudtudo ti mapasaran ti probinsya nu pumigsa ti habagat.
Daytoy ti inbatad ni Engr. Cynthia Iglesia iti DOST-PAGASA.
Segun ke ni Iglesia, ungto ti Northern Luzon ti kangrunaan nga apektaran ti habagat.
Inbatad na a ditoy probinsya ket maapektaran ti kaaduan nga ili malaksid iti sumagmamano a paset iti ili ti Pagudpud.
Kabayatanna, inlawlawag ni Iglesia nga adda dagiti gundaway nga aggeddan ti Habagat ken Low Pressure Area (LPA).
Inbatad na a ti LPA ket isu ti ad-adda a mangpapigsa ti ti Habagat nu daytoy ket aggapo iti Pacific Ocean.
Innayun na a nu ti LPA ket aggapo iti paset ditoy probinsya ket ad-adda a napigsa ti mapasaran a tudo kageddan ti panaggurrood ken panagkimat.
Kabayatanna, kuna ni Iglesia a posible nga agingga iti bulan ti Nobiembre ti mapasaran a panagtudtudo ditoy probinsya.
