LAOAG CITY – Iyur-uray pay laeng ti Qatar ken Egypt ti sungbat ti Israel mainaig iti ceasefire deal.
Daytoy ket kalpasan nga immannugot ti Hamas iti ceasefire deal nga indiaya dagiti mediators manipud iti Qatar ken Egypt.
Karaman iti nasao a katulagan ket ti maaddaan ti ceasefire ti agingga iti 60 nga aldaw ken ti naan-anay a pannakawaya-waya kadagiti hostage.
Ti nasao a proposal ket kapada iti indatag ni United States Middle East envoy Steve Witkoff idi bulan ti Mayo.
Kabayatanna, iti baet nga awan pay ti sungbat ti Israel ket kalikagum ti Egypt nga ad-adda pay nga i-pressure ti Israel agingga nga umannugot met daytoy.
