LAOAG CITY – Kinondenar ti Hamas ti pannakaduktalda iti nasurok 300 a bangkay iti aglawlaw ti maysa a balay-pagagasan iti Khan Younis iti Gaza.
Segun ken ni Hamas spokesman Abdul Latif al-Qanou, nalawag a genocide ti ar-aramiden ti Israel ken dagiti biktimada ket maikalkali tapno awan ti makita nga aniaman nga ebidensia.
Nagpanawagan daytoy iti international community nga agaramid ti addang kontra iti Israel.
Maipalagip a nakali dagiti 300 a bangkay iti Nasser Medical Complex idiay southern Gaza a mapapati nga ingkabil dagiti Israel Defense Forces.
