LAOAG CITY – Inrakurak ni Prime Minister Benjamin Netanyahu a nakemmeg ti Israeli special forces ti mangidaulo ti Internal Security Service ti Hamas iti ground operation iti Gaza.
Inbatad ni Netanyahu a ti lalaki a saannan nga innaganan ket karaman kadagiti agtrabtrabaho para iti pannakaisubli ti Hamas a mangiwanwan ti Gaza.
Segun iti Shin Bet security service iti Israeli military, kinemmeg ti special forces unit ti mangidaulo iti Internal Security Service ti Hamas iti Gaza City ken inkabil da iti Israel para iti pannakaimbestigar na.
Immunan a naiyuswat ti Israeli air strikes a nakatayan ti uppat a Palestinians, pakairamanan ti dua nga ubbing ken babai.
Kinondenar met ti Hamas ti inaramid ti Israel no sadinno nga ibilang na ti nasao nga addang kas “grave crime” ken panaglabsing iti ceasefire.
