LAOAG CITY – Nakarekobre ti maysa a pamilya iti maysa nga hand grenade iti arubayan da iti Barangay 10 iti ili ti Paoay.
Basar ken ni Police Major Eddie Suyat, ti chief of police iti ili ti Paoay, timmawag kadakuada ti maysa a miembro ti pamilya Lutap tapno ipakaammo nga adda ti nakutkot da a maysa nga hand grenade.
Inbaga ni Suyat a dagus da a nagturong iti lugar kadwa da dagiti kameng ti Provincial Explosive Ordnance Disposal (EOD) ken ti K9 Unit.
Inbatad ni Suyat a basar iti palawag ti pamilya Lutap, kabayatan ti panagkutkut da iti asideg ti groto iti arubayan da ket adda ti nakutkut da a maysa a sako ken idi ukagen da daytoy ket nakita da ti maysa hand grenade.
Kuna ti opisyal a mabalin pay laeng a bumtak ti nasao a granada.
Naipaima metten ti nasao a granada iti Provincial Explosive Ordnance Disposal Team ditoy probinsya.
